Կոչ աջակցելու` Քարիդասի անօթութեան դէմ արշաւին:
Չորեքշաբթի, 11 դեկտեմբեր, հրապարակային ունկնդրութեան ընթացքին, Ֆրանչիսկոս Սրբազան
Հայրը կոչ մը ուղղեց աջակցելու Քարիդասի կողմէ, անօթութեան դէմ ձեռնարկուած արշաւին ըսելով
'' երէկ Քարիդասը անօթութեան դէմ համաշխարհային արշաւ մը սկսաւ, որուն բանաբանն է ''մէկ
մարդկային ընտանիք, սնունդ բոլորին համար''։ Միլիոնաւոր անհատներու սովութեան գայթակղութիւնը
պէտք չէ մեզ անդամալուծութեան մատնէ, այլ մեզ բոլորս` անհատներ, ընտանիքներ, հասարակութիւններ,
իշխանութիւն եւ պետութիւններ, մղէ աշխատելու կասեցնելու համար այս անարդարութիւնը ։Սրբազան Հայրը ապա կոչին մէջ ըսաւ ''Յիսուսի Աւետարանը մեզի ցոյց կու տայ ուղին` վստահիլ Աստուծոյ հօր նախախնամութեան եւ առօրեայ հացը բաժնեկցիլ առանց մսխումի''։ Ան ապա կոչը եզրափակեց քաջալերելով Քարիդասը յառաջ տանելու այս յանձնառումը եւ բոլորը հրաւիրելով ''աջակցելու այս զօրակցութեան ալիքին''։
| All the contents on this site are copyrighted ©. |